رخصة قيادة

وحشتونى جدا جدا والله وقولت طلما أن غبت عنكم كدة يبقى لازم أجى بحاجة تعجبكم وتنول رضاكم وتكون مفيدة للجميع فخترت أن يكون بوست النهاردة عن السواقة من الألف للياء منذ التفكير وحتى الخروج من وحدة المرور بالرخصة.

فى بداية أحب أتكلم الأوراق المطلوبة هى (صورة بطاقة وصورتين شخصيتين وشهادة طبية رمد وباطنة من المستشفى تثبت أنك تسطيع تقود السيارة وفصيلة الدم) حاول تاخد أكثر من المحتاج خد 6 صور وأكثر من صورتين للبطاقة

أول ما تدخل المرور توجه إلى الخزنة لشراء الملف ب 12جنيه ثم قم بملئ الاستمارتان وقدمهم فى شباك التقديم حتاخد وصل تدفع بيه 3جنيه ثم ثم تختبر الأختبار النظرى وإذا نجحت ترجع لشباك التسليم وتستلم ورقة تختبر بيها العملى وتدفع 25جنيه ثم تختبر أختبار القيادة لو نجحت حتدفع 45جنيه وتجيب عسكرى يستلم الملف يودية لوحدة الكمبيوتر وما أدراك أنك تدور على عسكرى وحتشوف موقف من أصعب المواقف حتلاقى عسكرى أكتر من 20 واحد عايزة علشان يستلم ملفه ويودية وحدة الكمبيوتر فحتلاقية واقف وأكثر من 20 واحد حولية وحيبوسه أيده علشان يجي معاهم ياخد ملفتهم ولما يودية لوحدة الكمبيوتر ثم تتصور وتستلم الرخصة

أما بقى عن المدرسة المدرسة مصاريفها قرابة 400 جنيه أو أقل بعض الشئ معرفش كام بالظبط فلو عايز تدخل حتدفع مصاريف الرحضة وحتجتازالاختبار النظرى بدون عناء إطلاقا والتسهيل فى الاختبار العملى أو ما يسمى بختبار القيادة حيث أن أمتحانات المدرسة لها أيام غير أيام الناس العادية دة بالنسبة للمدرسة وما أستطعت أن أجمعه من معلومات عن المدرسة.

نيجي للأعتماد على النفس لا وسطة ولا يحزنون أحب أقول حاجة فى موضوع الوسطة أنا كنت واحد ورقة من عميد فى المرور تعرفت عليه فى العمل فأرسل معر بورق تقول سيادة المقدم/عماد بهنسى بعد صباح الخير حامله يهمنى أمره جدا جدا جدا جدا الراجاء إشماله برعايتكم عميد/ محمد....... بس فرايح وأنا مطمأن جدا معايا وسطة من عميد ولكن الذى عرفته هو السيم بين الظباط فى كلمة صباح الخير لكن لو كان صباح الخيرات كانت فرقت ولون القلم لو كان أحمر كام الموضوع أختلف ... المهم قالى المقدم عماد بهنسى روح أدفع مصاريف المدرسة وتعالى ففهمت أن الوسطة منفعتش فكبرت دماغى ونرميت الورقة فى الدوسية وقلت أعتمد على ربنا وأدخل بمجهودى بلا وسطة بلا بحاجة

روحت على وحدة الكمبيوتر علشان أمتحن النظرى دخلت قدمت الورقة التى استلمتها من شباك التقديم وقالوالى انظر وحنادى عليك نادوا عليا ورحت امتحن على الكمبيوتر 12 سؤال فى 6 دقائق كل سؤال 30ثانية الحمد لله بفضل الله حليت كل الاسئلة وكام سؤال واحد بس اللى غلط وجبت 91.66% الحمد لله جبت درجة مبيجبهاس بتاع المدرسة لما سألت لقتهم بيجيبوا 83% أو 85% بالكتير على فكرة الموظف هو اللى بيحل لبتوع المدرسة مش الطالب المهم أجتزت أهم أختبار فى القصة أنتم عارفين ليه أهم أخبار علشان لو سقط فى الأختبار دة حتقعد 3 شهور علشان تمتحن تانى غير القيادة حسب الظابط ما يقولك 20 يوم أو 30 يوم حسب مزاج الظابط المهم خرجت من الأختبار النظرى

ورحت ميدان الأختبار العملى وكانت الساعة 10 ص وأستنيت لحد الساعة 12 إلا ربع المهم جه الظابط بالعربية وبدأ الأخبار على السيارة بصوا بقى لا وسطة ولا حاجة المهم تظبط الراجل اللى جنبك اللى بيمتحنك وأهم حاجة متخليش الظابط يشوفك علشان لو شافك حيديلك شهر وتيجي تمتحن تانى المهم عطيته 20 جنيه وواحدة واحد كدة وقله خليبالك منى وبراحة كدة أمشى وأرجع وهو برضح معاك حتعدى الأمتحان وتتصور وتيجي تأخد الرخصة وألف مبروك

أهم حاجة بقى هى مجموعة الأختبارات اللى تحملها من هنا علشان تذاكرها كويس قبل الإمتحان

يحتوى هذا الملف على 80% من الإشارات التى سوف تمتحنها وخاصتا الملف الذى به 360 سئال أشارات نظرى